CALICUT UNIVERSITY BEd CENTRE MALAPPURAM 1993
-
BEd 1993 B batch CALICUT UNIVERSITY BEd CENTRE MALAPPURAM
2009, ജനുവരി 29, വ്യാഴാഴ്ച
റിച്ചാര്ഡ് സ്റ്റാള്മാനെ ആര്ക്കാണ് പേടി....?
റിച്ചാര്ഡ് സ്റ്റാള്മാനെ ആര്ക്കാണ് പേടി എന്ന ചോദ്യത്തിന് മുഖ്യമന്ത്രിക്കല്ല എന്നാണ് ഉത്തരം.കാരണം സ്വതന്ത്ര സോഫ്റ്റ് വെയറിനെ കേരളത്തിലേക്ക് സ്വാഗതം ചെയ്തതും നടപ്പാക്കിയതും അദ്ദേഹമാണെന്ന് ഇക്ഫോസ് സ്പെഷ്യല് ഓഫീസര് ആയിരുന്ന എം.അരുണ് ഈ ആഴ്ച പുറത്തിറങ്ങിയ രണ്ടു വാരികകളില് .(സമകാലികമലയാളം, മാതൃഭുമി )ഫ്രീ സോഫ്റ്റ് വെയര് കൂട്ടായ്മയുടെ സംഘാടകനും പ്രവര്ത്തകനുമാണ് അരുണ്. അരുണിനെ സ്ഥാനത്തുനിന്ന് നീക്കിയതിന്റെ പിന്നിലെ രാഷ്ട്രീയം വായിക്കുന്നു ബി. ശ്രീജനും സിയാദും മലയാളം വാരികയില്. മന്ത്രി തോമസ് ഐസക്കിനാണ് സ്റ്റാള്മാനെ പേടി. ഐ ടി അറ്റ് സ്കൂള്, വൈദ്യുതിവകുപ്പ് എന്നിവിടങ്ങളില് ഫ്രീ സോഫ്റ്റ് വെയര് നടപ്പിലാക്കിയ ഒരു സര്ക്കാര് എന്തുകൊണ്ടാണ് വാണിജ്യ നികുതി വകുപ്പിന്റെ ഓണ് ലൈന് ടാക് സുകള് എക്സല് വഴിവേണമെന്നു വാശി പിടിക്കുന്നത്? അപ്പോള് ആരാണ് മൈക്രോ സോഫ്റ്റ് പ്രചാരകര് ?ഫ്രീ സോഫ്റ്റ് വെയറിനെ കുറിച്ചു അരുണ് എഴുതിയ ലേഖനവും അദ്ദേഹവുമായുള്ള അഭിമുഖവും മാതൃഭുമിയില് വായിക്കാം.
ജി.അരവിന്ദന്റെ ജീവിതത്തിലേക്കും സിനിമയിലേക്കും തിരിഞ്ഞുനോക്കുന്നു പ്രശസ്ത കവി ബാലചന്ദ്രന് ചുള്ളിക്കാട്. അരവിന്ദന്റെ "പോക്കുവെയില്" എന്നചിത്രത്തില് അഭിനയിച്ച ഓര്മ.നിശബ്ദതയെ കലയിലും ജീവിതത്തിലും പ്രണയിച്ച അരവിന്ദന്. അരവിന്ദനിലേക്ക് കണ്ണാടി തിരിച്ചു പിടിച്ചിരിക്കുന്നു ചുള്ളിക്കാട്.(സമകാലിക മലയാളം) മാതൃഭുമിയുടെ ബ്ലോഗനയില് ഇത്തവണ റഫീക്ക് വടക്കാംചേരിയുടെ 'ഇന്ദുലേഖ 'യാണ്. അടുത്തിടെ അന്തരിച്ച സഖാവ് ഇ. ബാലാനന്ദനെ അനുസ്മരിക്കുന്നു പി. സദാശിവന് പിള്ള സമകാലികമലയാളം വാരികയില് . ദേശാഭിമാനിയില് ആകട്ടെ സഖാവിനെ ഓര്ക്കുന്നത് പയപ്പിള്ളി ബാലനാണ്. ചെറുകാടിന്റെ 'മുത്തശി ' എന്ന നോവലിന്റെ വായന നടത്തുന്നു ഡോ. കെ.കെ.എന്. കുറുപ്പ്.
ദൈവം സൃഷ്ടിച്ചത് നശിപ്പിക്കാന് മനുഷ്യന് അധികാരമുണ്ടോ...?ദയാവധത്തിന് നിയമ സാധുത നല്കണമെന്ന നിയമ പരിഷ്കരണ കമ്മിഷന് ശുപാര്ശയുടെ ശരിതെറ്റുകള് വിശകലനം ചെയ്യുന്നു രഞ്ജിത്ത് കെ.ആര്,അബ്ദുള്ള മണിമ എന്നിവര് മാധ്യമം വാരികയില്. ദയാവധം അര്ഹിക്കുന്ന ഒരാള്ക്ക് അത് നിഷേധിക്കുന്നതിലെ അമാനവികത ചോദ്യം ചെയ്തിരുന്നു കഴിഞ്ഞ ലക്കം സമകാലിക മലയാളം വാരികയുടെ മുഖപ്രസംഗം. ഏതായാലും മതവും ദൈവവും ഇടപെടുന്ന ഇത്തരം പൊള്ളുന്ന പ്രശ് നങ്ങള് കൈകാര്യം ചെയ്യാന് അടുത്ത തെരഞ്ഞെടുപ്പ് വരെയെങ്കിലും സര്ക്കാര് മടിക്കും . തീര്ച്ച.
2009, ജനുവരി 21, ബുധനാഴ്ച
വിമതലൈംഗികതയുടെ ചലച്ചിത്ര ഭാഷ്യങ്ങള്
ലെസ്ബിയന് സെക്സ് പ്രമേയമാക്കി മലയാളത്തില് വളരെക്കുറച്ച് സിനിമകളെ ഉണ്ടായിട്ടുള്ളൂ. പദ്മരാജന്റെ ദേശാടനക്കിളി കരയാറില്ല ,ലിജിപുല്ലപ്പള്ളിയുടെ സഞ്ചാരം എന്നീ സിനിമകള് ഈ ഗണത്തില് തന്നെ.ദേശാടനക്കിളി കരയാറില്ല, സഞ്ചാരം എന്നീ സിനിമകളെ താരതമ്യം ചെയ്യുന്നു എം നവനീത മാതൃഭൂമിയില്. എണ്പതുകളില്സ്വവര്ഗ ലൈംഗികതയെ കുറിച്ചു ചര്ച്ചചെയ്യാത്ത സമയത്താണ് ദേശാടനക്കിളിപ്രദര്ശിപ്പിച്ചത്.എന്നാല് ആ അവസ്ഥ ഇപ്പോള് മാറിയിട്ടുണ്ട്. ദേശാടനക്കിളിയില് ഗാര്ഹികഇടങ്ങളുടെ
അഭാവം ആണെങ്കില് സഞ്ചാരം അവയാല് സമൃദ്ധമാണ്. വിമോചനസമരത്തെ വിലയിരുത്തുന്നലേഖനങ്ങളും ശിഹാബുദ്ധീന് പൊയ്ത്തുംകടവിന്റെ കഥയുമുണ്ട്. ബ്ലോഗനയില് നസീര് കടിക്കാട്ആണ്.
മലയാളിയുടെ ഗള്ഫ് സ്വപ്നങ്ങള് പൊലിയുമൊ എന്ന വേവലാതിപങ്കുവെക്കുന്നു എം. സി എ നാസര് മാധ്യമത്തില്. സാമ്പത്തിക മാന്ദ്യത്തിന്റെ കൂടെ എണ്ണവിലതാഴുന്നു. തൊഴിലാളികള് പിരിച്ചുവിടപ്പെടുന്നു. ഈ സാഹചര്യത്തിന്റെ വിശകലനമാണ് ഈ ലേഖനം. പി.വി.ഷാജികുമാറിന്റെ രൂപങ്ങള് എന്നകഥ മികച്ച വായനാനുഭവം പകരുന്നില്ല.
സാമ്പത്തിക മാന്ദ്യത്തെ മറികടക്കുവാന് സര്ക്കാര് സ്വീകരിച്ച വഴികള്പ്രതിസന്ധി രൂക്ഷമാക്കുമെന്ന് ശ്രീരംഗനാഥന് സമകാലിക മലയാളം വാരികയില്. ഇത്തരം പണംഊഹ കച്ചവടത്തിലേക്കു ഒഴുകുമത്രെ.ഇറാനിയന് ചലച്ചിത്ര സംവിധായിക സമീറ മഖ് മല് ബഫിന്റെസിനിമാജീവിതം വിലയിരുത്തുന്നു എച് .ഷാജി. ദേശാഭിമാനിയില് ആകട്ടെ പലസ്തീന് പ്രശ്നംവിശകലനം ചെയ്യുന്നു റോബര്ട്ട് ഫിസ്ക്, ഒസാമ മൂസ, വി.ബി. പരമേശ്വരന്, അസീസ് തുവൂര്തുടങ്ങിയവര്. എ. ആര് റഹ്മാനെ കുറിച്ചു റജി ആര്. നായര്. മോഡിയുടെ വികസന നയത്തില്തകര്ന്നുപോയ ചെറുകിട വസ്ത്ര നിര്മാണ മേഖല ,പിരിച്ചുവിടപ്പെട തൊഴിലാളികള് .സത്യത്തിന്റെതകര്ച്ച ,രാമലിംഗരാജുവിന്റെ കുമ്പസാരം തുടങ്ങിയവയെ സമീപിച്ചു മുതലാളിത്തത്തിന്റെ പ്രതിസന്ധിവെളിവാക്കുന്നു എ.വി. അനില്കുമാര്.
2009, ജനുവരി 14, ബുധനാഴ്ച
ഷണ്ഡന്മാരുടെ ലോകത്തില് പെണ്ണുടലുകളുടെ പ്രസക്തി
സിവിക് ചന്ദ്രന്റെ കവിത "അവസാനത്തെ അത്താഴം" പുതുകവികള് തീര്ച്ചയായുംവായിക്കണം.(പച്ചക്കുതിര)വര്ത്തമാനകാലം കവിതയിലേക്ക് സംക്രമിപ്പിക്കുന്ന ഇന്ദ്രജാലം ഈ കവിതയില് കാണാം. പരസ്പരം വേര്പിരിയുവാന് തീരുമാനിച്ച ദമ്പതികള് നക്ഷത്ര ഭോജനശാലയില് അവസാനത്തെ അത്താഴം കഴിക്കവേ ഭീകരാക്രമണം നടക്കുന്നു.ഏക മകള് ഹോസ്റലില്.എസ്.എം .എസ് പ്രളയം. വെടിയേറ്റു വീഴുന്നവര്.കമാണ്ടോകള് ഇരുവരെയും രക്ഷിച്ചു ഒരുമുറിയില് ആക്കുന്നു.ഒറ്റ കട്ടില്.പുറത്തു പെയ്യുന്നതൊടുവിലത്തെ പ്രളയമാകട്ടെ/പഴയ നോഹയുടെ പെട്ടകത്തിലിപ്പോള് നമിരുവര് മാത്രം ,ഒരാണും പെണ്ണും എന്ന് കവി എഴുതുന്നു. എഴുത്തുവിദ്യ വശമുള്ള ,അധികമൊന്നും എഴുതാത്ത ഈ കവിയെ ,ആ വിദ്യ കൈവശമില്ലാത്ത പുതുകവികള് തീര്ച്ചയായും വായിക്കണം. കവിത്വത്തിന്റെ മാസ്മരികത അനുഭവിക്കാന്.
ഈ വിദ്യ തീരെ ഇല്ലെന്നു നമ്മെ ബോധ്യപ്പെടുത്തുന്നു "കിളിപേച്ചു കേള്ക്കവാ" എന്ന കഥ എഴുതിയ വിനോദ് നായര്. (ഭാഷാപോഷിണി.) തീര്ത്തും ദുര്ബലമായ ഈ കഥ യാതൊരു വായനാ സുഖവും നല്കുന്നില്ല. പക്ഷികളുടെ സംസാരം മനിസ്സിലാക്കാന് കഴിയുന്ന ദിലീപന്.ആഖ്യാനത്തിന്റെ വശ്യത ഇല്ലായ്മയാണ് ഈ കഥയെ ദുര്ബലമാക്കുന്നത്. ഇതേ ആശയം മനോഹരമായി അവതരിപ്പിച്ച വി .ജെ .ജയിംസിന്റെ "ഭാഷാവരം" എന്ന കഥ ഈ കഥാകാരന് വായിക്കുന്നത് നന്ന്. നല്ല കഥകള് മാത്രം പ്രസിദ്ധീകരിക്കുന്ന ഭാഷാപോഷിണിയില് ഇത്തരം കഥകള് പ്രത്യക്ഷപ്പെടുന്നത് എങ്ങനെയാണ്?ഇതേ ജനുസ്സില് പെടുന്ന കഥതന്നെയാണ് സുഹറ കൂട്ടായി എഴുതിയ " മറ്റൊരു പച്ച ബസ്സ് "എന്ന കഥ. (ദേശാഭിമാനി വാരിക).എന്നാല് മാതൃഭൂമി പ്രസിദ്ധീകരിച്ച
"ടൈറ്റാനിക് "എന്ന പി.എസ് .റഫീക്കിന്റെ കഥ മനോഹരമാണ്.ഭാഷയുടെ ജൈവികത ഈ കഥയില്
തെളിഞ്ഞു കാണാം.പിക്ക് അപ് വാന് ഓടിക്കുന്ന കസ്തുരിയുടെ ലോകം വായനക്കാര്ക്ക് അനുഭവിക്കാം.
ഷണ്ഡന്മാരുടെ ലോകം പോലും പെണ്ണുടലുകളെ വെറുതെ വിടുന്നില്ല. ഈ കഥയില് തോമസ് മുതലാളി. മന്ദബുദ്ധിയായ മകള് തിരളുന്നത് കസ്തുരിയെ ഭയപ്പെടുത്തുന്നു .ശില്പഭദ്രമാണ് ഈ കഥ. ബ്ലോഗനയില് ഇത്തവണ ബെര്ലി തോമസ് ആണ്."കേരള ട്രാഫിക് ഗൈഡ് "എന്ന ബ്ലോഗ് പോസ്റ്റ്.
ആക്ഷേപ ഹാസ്യം ബെര്ലി തോമസിന്റെ എഴുത്തുമുദ്രയാണ്.
2009, ജനുവരി 7, ബുധനാഴ്ച
ഓപ്പറേഷന് കാസ്റ്റ് ലീസ് അഥവാ മുസ്ലിം ലീഗ് പ്രതിക്കൂട്ടില് ആകുന്ന വിധം
ഇസ്രയേല്,ഗാസയില് നടത്തുന്ന ആക്രമണത്തിന്റെ രാഷ്ട്രീയം വിശകലനം ചെയ്യുന്നു കെ.ടി.കുഞ്ഞിക്കണ്ണന് ദേശാഭിമാനി വാരികയില്. ഇസ്രയേല് ,അമേരിക്ക എന്നീ രാജ്യങ്ങളെവിമര്ശിക്കാന് ഇ.അഹമ്മദ് മന്ത്രി ആയ സര്ക്കാരിനു എന്തുകൊണ്ട് കഴിയുന്നില്ല? ഇസ്രായേലില്നിന്നും ഭാരതം വാങ്ങി ക്കൂട്ടിയ ആയുധങ്ങള്,നമ്മുടെ ചാന്ദ്രയാന് പദ്ധതിയില് ഇസ്രായേലിന്റെസഹകരണം.കൂടാതെ ഭാരതത്തിന്റെ ചാര ഉപഗ്രഹത്തിന്റെ സഹായത്തോടെയാണ് പാലസ്തീന്ജനവാസ മേഖലകളില് ഇസ്രയേല് ബോംബ് വര്ഷിക്കുന്നത്.ഇസ്രയേല് ചാരസംഘടനയായമൊസാദിനു ഡല്ഹിയില് ഓഫീസ് ഉണ്ട്.അപ്പോള് സര്ക്കാറിന്റെ മൌനം സമ്മതമാണ്. അഹമ്മദ്പുലര്ത്തുന്ന മൌനവും.അടുത്തിടെ അന്തരിച്ച ബ്രിടീഷ് നാടകകൃത്തായ ഹാരോള്ഡ് പിന്റെരിനെസ്മരിക്കുന്നു പി. പി രവീന്ദ്രന് .പിന്റെരിന്റെ ആഖ്യാന ശൈലി റിയലിസത്തിന്റെ ഒരു സവിശേഷധാരയായോ, റിയലിസത്തെ മറികടക്കാനുള്ള ശ്രമാമായോ കാണണം.ദ റൂം തൊട്ടു മൂണ് ലൈറ്റ്വരെയുള്ള കൃതികളില് ഇതു കാണാം.
മുഖ്യമന്ത്രിയുടെ ഐ.ടി.ഉപദേഷ്ടവായിരുന്ന ജോസെഫ് സി മാത്യുസംസാരിക്കുന്നു പുതിയ സമകാലിക മലയാളം വാരികയില്. താന് ഭൂ മാഫിയയുടെ ഇരയാണെന്നുംഐ.ടി.വകുപ്പ് അറിയാതെ ഉള്ള വ്യവസായ വകുപ്പിന്റെ ഇടപെടലിന് നിക്ഷിപ്ത താല്പര്യങ്ങള്ഉണ്ടെന്നും അദ്ദേഹം പറയുന്നു. കാര്ടൂനിസ്റ്റ് അബൂ അബ്രഹാമിനെ സ്മരിക്കുകയാണ് ആര്ടിസ്റ്റ് നമ്പൂതിരി, ഉണ്ണി, സദാനന്ദ് മേനോന്, കേരളവര്മ്മ തുടങ്ങിയവര്. മലയാളത്തെ രണ്ടാംതരമായി കാണുന്ന കേരളത്തില് മലയാളത്തിനു ക്ലാസിക്കല് പദവി എന്നതിന് എന്തുമാത്രം പ്രസക്തിയുണ്ടെന്ന് ചോദിക്കുന്നു കെ.എം.പ്രഭാകര വാര്യര്, പി.എം.ഗിരീഷ് എന്നിവര്. കുഞ്ഞപ്പപട്ടാനൂരിന്റെ നന്ദി, ഗ്രാമങ്ങളെ എന്ന നല്ല കവിതയും വാരികയില് ഉണ്ട്.
എം.ടി.വാസുദേവന് നായരെ കുറിച്ചു പുനത്തില് കുഞ്ഞബ്ദുള്ളമാതൃഭൂമിയില്. എം.ടി എന്ന വ്യക്തിയെ, പത്രാധിപരെ വിലയിരുത്തുന്നു അദ്ദേഹം. മുമ്പും എം.ടി.യെപറ്റി കുഞ്ഞബ്ദുള്ള എഴുതിയതില് നിന്നു പുതിയതൊന്നും ഇതില് ഇല്ല എന്ന് പറയേണ്ടിയിരിക്കുന്നു. സക്കറിയയുടെ കഥ അറുപതുവാട്ടിന്റെ സൂര്യന് . അന്താരാഷ്ട്ര ബഹിരാകാശനിലയത്തിന്റെ ദൌത്യവും അവിടുത്തെ ജീവിതവും കാണുകയാണ് ഡോ. രാജഗോപാല് കമ്മത്ത്.
മൂന്നു നോവലുകളിലെ (മുസ്ലിം)സ്ത്രീ കഥാപാത്രങ്ങള് ,അവരുടെ ജീവിതം എന്നിവയെ വിമര്ശനബുദ്ധിയോടെ സമീപിക്കുന്നു ഡോ .ഖദീജ മുംതാസ്. സ്ത്രീ ജീവിതം പുരുഷന് ആവിഷ്കരിക്കുമ്പോള് ഉണ്ടാകുന്ന പാഠവും സ്ത്രീ ആവിഷ്കരിക്കുമ്പോള് ഉണ്ടാക്കുന്ന പാഠവും. കൂടുതല് സുതാര്യതഏതിനാകും?പുരുഷകേന്ദ്രിത സമൂഹം പെണ്ണിനെ അസ്വതന്ത്ര ആക്കാനാണ് എപ്പോഴും ശ്രമിക്കുക. ബ്ലോഗനയില് കുഴൂര് വില്സണ് എഴുതിയ കവിതകള് ആണ്. ഒരു മരത്തിന്റെ ആത്മാവ്. ബ്ലോഗ് രചനകള്ക്ക് അര്ഹമായ ഇടം അനുവദിക്കുന്ന വാരികയുടെ ശ്രമം അഭിനന്ദനീയം തന്നെ.
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)