CALICUT UNIVERSITY BEd CENTRE MALAPPURAM 1993
-
BEd 1993 B batch CALICUT UNIVERSITY BEd CENTRE MALAPPURAM
2009, ഫെബ്രുവരി 25, ബുധനാഴ്ച
കെ.ഇ .എന്,വി.എസ്, സ്ലംഡോഗ് മില്ല്യണയര് , നാന് കടവുള്, യു.കെ .കുമാരന്, പി .ഗോവിന്ദപ്പിള്ള,പോങ്ങുമ്മൂടന്.
ബാല സംവിധാനം ചെയ്ത നാന് കടവുള് , ഓസ്കാര് നേടിയ സ്ലം ഡോഗ് മില്ല്യണയര് എന്നസിനിമയേക്കാള് പലമടങ്ങ് മികച്ച ചിത്രമാണെന്ന് ചാരുനിവേദിത കലാകൌമുദിയില്. ബാലയുടെപതിവു രീതിയില് നിന്നു വേറിട്ടുനില്ക്കുന്നു ഈ സിനിമ. നായകനോടൊപ്പം തന്നെ മറ്റുകഥാപാത്രങ്ങളും തലയുയര്ത്തി നില്ക്കുന്നു. ഇന്ത്യന് ചേരികളെയുംമുഖ്യ ധാരയില് നിന്നു ബഹിഷ്ക്രിതരായദരിദ്ര സമൂഹത്തെയും ആരാജകമായിത്തന്നെ ഈ സിനിമ പകര്ത്തിയിരിക്കുന്നു. ജീവിതം നരകമായിമാറുന്ന അവസ്ഥ. മില്ലനയര് മുബ്ബൈയിലെ ചേരി കാണിച്ചു ഇതാണ് ഭാരതം എന്ന് വിദേശികളെതെറ്റിധരിപ്പിക്കുമ്പോള് കടവുള് അങ്ങനെ ചെയ്യുന്നില്ല എന്നത് ശ്രദ്ധേയം. ആഗോളികരണകാലത്തെസിനിമ,വിശിഷ്യ ഹോളിവുഡ് സിനിമ വംശീയ സാംസ്കാരിക വൈവിധ്യങ്ങളുമായിപോരുത്തപ്പെടലിന്റെ പാതയിലാണെന്ന് കെ. ഗോപിനാഥന് മാതൃഭൂമിയില്. ബാരക് ഒബാമപ്രസിഡണ്ട് ആകുന്നതും എ.ആര്.റഹിമാന് ഓസ്കാര് നേടുന്നതും അതുകൊണ്ടുതന്നെ ആകസ്മികമല്ല.
വി.എസ്. എന്തുകൊണ്ട് രാജി വക്കുന്നില്ല എന്നതിനെ സൂക്ഷ്മമായി വായിക്കുന്നു ബാബു ഭരദ്വാജ് .(മാതൃഭൂമി )അധികാരവുമായി രാജിയായി എന്ന് അതിനെ ഭാഷാന്തരംചെയ്യേണ്ടതില്ല. പാര്ട്ടിക്കുള്ളിലെയും പുറത്തെയും ശത്രുക്കള് വി.എസിന്റെ രാജി ആഗ്രഹിക്കുന്നു. അഭ്യുദയകാംക്ഷികളും .പക്ഷെ, പാര്ട്ടിയെയും ഭരണത്തെയും ഒരുപറ്റം അഴിമതിക്കാരെ ഏല്പ്പിക്കാന്അദ്ദേഹം തയ്യാറല്ല.അതായത് രാജി വക്കാതിരിക്കുന്നതും ഒരു രാഷ്ട്രീയ പ്രവര്ത്തനമാണ്. വി.എസിനെമന്ദബുദ്ധി എന്ന് ആക്ഷേപിച്ച കെ.ഇ .എന് പ്രധാന കഥാപാത്രമായി വരികയാണ് കുരങ്ങന്റെമാനിഫെസ്റോ അഥവാ കെ.ഇ എന് വഴക്കങ്ങള് എന്ന സി.അനൂപിന്റെ കഥയില്. (കലാകൌമുദി)
കല(ഥ)യുടെ രസതന്ത്രം അനുഭവപ്പെടുന്നില്ലെങ്കില്ക്കൂടി ഇതൊരു മികച്ച ആക്ഷേപ ഹാസ്യരചനയാണ്. ഈ രസതന്ത്രം നമ്മെ അനുഭവിപ്പിക്കുന്ന കഥയാണ് മാധ്യമത്തില് യു.കെ കുമാരന്എഴുതിയ തീവണ്ടിപ്പൂതം.
ദേശാഭിമാനി വാരികയില് പി. ഗോവിന്ദപ്പിള്ള മനസ്സുതുറന്നു സംസാരിക്കുന്നുഈ ലക്കത്തില് തന്റെ ബാല്യാനുഭവങ്ങളും രാഷ്ട്രീയത്തെ സ്വാധീനിച്ചഘടകങ്ങളുമാണ്.സി.പി.എമ്മിനെയും ക്നാനായ സഭയെയും അലട്ടുന്ന ദുര്ഭൂതമാണ് സി.ബി.ഐ എന്ന്ജി എസ് സമകാലികമലയാളം വാരികയില് സി.ബി.ഐ യോടുള്ള ഇവയുടെ സമീപനം വിശകലനംചെയ്താല് ഇതു വ്യക്തമാകും. മാതൃഭൂമിയുടെ ബ്ലോഗനയില് ഇത്തവണ പോങ്ങമ്മുടന്റെ പോസ്റ്റ് ആണ്.കുറുമാന് ആണ് ഇതിലെ നായകന്. വായനാസുഖം തരുന്ന രചന.
.
2009, ഫെബ്രുവരി 18, ബുധനാഴ്ച
ചാള്സ് ഡാര്വിനെ ദൈവം പേടിക്കുന്നതെന്തിന്...?
ചാള്സ് ഡാര്വിന്റെ പരിണാമവാദം സകല എതിര്പ്പുകളെയും അതിജീവിച്ച് ഒന്നര നൂറ്റാണ്ടു പിന്നിടുന്നുഎന്നത് ശാസ്ത്ര കുതുകികളെ സന്തോഷിപ്പിക്കുന്ന കാര്യമാണ്. പരിണാമവാദം ദൈവത്തിന്റെസ്വതത്തെ ചോദ്യം ചെയ്യും എന്ന് ഭയക്കുന്ന മതവാദി (മിതവാദികളല്ല) സമൂഹത്തിന്റെ അയുക്തികപ്രചാരണ തന്ത്രങ്ങളെ മറികടക്കുക എന്നത് നിസ്സാരകാര്യമല്ല. ഈ അതിജീവനത്തിന്റെ സന്തോഷംപങ്കിടുന്നതോടോപ്പം പരിണാമവാദം സമഗ്രവും സൂക്ഷ്മവുമായി വിശകലനം ചെയ്യുകയാണ് ജീവന്ജോബ് തോമസ് മാതൃഭൂമിയില്. മനുഷ്യ കേന്ദ്രിതപ്രപഞ്ചം എന്ന വിശ്വാസത്തില്നിന്നുജീവലോകത്തിലെ ഒരു കണ്ണി മാത്രമാണ് മനുഷ്യന് എന്ന് ഉറപ്പിക്കുന്നു പരിണാമവാദം. വിശ്വാസത്തിന്റെ നിരാസമാണ് യുക്തി. അതുകൊണ്ട് ദൈവവും ചിലപ്പോള് ഡാര്വിനെ പേടിക്കും. ഡാര്വിന്റെ ജീവജാതികളുടെ ഉദ്ത്ഭവം എന്ന അര നൂറ്റാണ്ട് പിന്നിടുന്ന പുസ്തകത്തെവായിക്കുകയാണ് എന്.ഇ.സുധീര് സമകാലിക മലയാളം വാരികയില്. ദൈവചിന്തയെ വിറപ്പിച്ചപുസ്തകമാണിത്.
ഭരതന് സംവിധാനം ചയ്ത ചിലമ്പ് എന്ന സിനിമ തന്നില്നിന്ന് തട്ടിയെടുത്തതാണെന്ന് ജോണ് പോള്മാതൃഭൂമിയില്. തന്റെ രചനയില് പി .എന്.മേനോന് സംവിധാനം ചെയ്യാന് തീരുമാനിച്ച ആ സിനിമഭരതന് എങ്ങനെ സ്വന്തമാക്കി? ജോണ് പോള് തുറന്നെഴുതുമ്പോള് നാം അതിശയിക്കേണ്ടതില്ല. കാരണം സിനിമാലോകം എന്നും അങ്ങനെയാണല്ലോ.
ലാവലിന്ഇടപാടില് പിണറായി വിജയനെതിരെയുള്ള സി.ബി.ഐ അന്വേഷണ റിപ്പോര്ട്ട്സമകാലിക മലയാളം പ്രസിദ്ധീകരിച്ചിരിക്കുന്നു. തെളിവുകള് വാചാലമാണ് എന്നതുകൊണ്ടുതന്നെനവകേരള യാത്ര കൊണ്ടും പോളിറ്റ് ബ്യുറോ എന്ന ഉമ്മാക്കികൊണ്ടും ഇതിനെ പ്രധിരോധിക്കാന്വ്യക്തി എന്ന പാര്ട്ടി കുറച്ചു പ്രയാസപ്പെടും. ഈ കേസിന്റെ പിന്നാമ്പുറങ്ങള് അന്വേഷിക്കുകയാണ് വി.പി വാസുദേവന് മാധ്യമം വാരികയില്. നൂറു കോടി രുപക്ക് ഭെല് എസ്ടിമാറ്റ് തയ്യാറാക്കിയ ഒരുപദ്ധതിയുടെ അറ്റകുറ്റപണികള്ക്ക് ബാലാനന്ദന് ശുപാര്ശകളെ കാറ്റില് പരത്തി മുന്നൂറ്റി എഴുപത്തിനാലര കോടി രൂപയ്ക്കു ലാവലിന് കരാര് നല്കി കോടികള് തുലച്ച ഒരാള് നടത്തുന്ന നവകേരളയാത്രഎങ്ങനെ അശ്ലീലമാകാതിരിക്കും?പക്ഷെ ഈ യാത്ര അടുത്ത കാലത്തു കേരളം കണ്ട വലിയ ബഹുജന വിദ്യാഭ്യാസ പരിപാടിയാണെന്ന് കെ.ടി. കുഞ്ഞിക്കണ്ണന് ദേശാഭിമാനിയില്.
കന്യാസ്ത്രീകള്ക്കിടയിലെ ഭക്തിയും കാമവും കടന്നുവരുന്നു സിസ്റ്റര് ജെസ്മിയുടെ ആത്മ കഥാഭാഗത്തില്. ഈ കാമം പ്രത്യേക സ്നേഹം എന്നാണ് അറിയപ്പെടുക. സിസ്റ്റര് വിമി സ്വവര്ഗ രതിയില്തല്പരയായിരിന്നുവത്രേ. (പച്ചക്കുതിര മാസിക) പോലീസും അധികാരവും മാധ്യമ പ്രവര്ത്തകരുംചേര്ന്ന് റഷീദ എന്ന പാവംസ്ത്രീയില് മോഷണക്കുറ്റം ആരോപിച്ചു വേട്ടയാടിയ കഥയാണ്പച്ചക്കുതിരയുടെ കവര് സ്റ്റോറി. പോലിസ് ആര്ക്കുവേണ്ടി എന്ന ആ പഴയ ചോദ്യംചോദിക്കാതിരിക്കുകയാണ് നല്ലത്. സിനിമാനടന് സത്യനുമായുള്ള ബന്ധം ഓര്ക്കുകയാണ്എം.ടി.വാസുദേവന് നായര് ഭാഷാപോഷിണിയില്. നസീറും സത്യനും തമ്മില് പിണക്കമൊന്നുംഇല്ലാഞ്ഞിട്ടും അത്തരം കഥകള് പ്രചരിച്ചിരുന്നു.എം.ജി. ബാബുവിന്റെ ദുര്ബലമായ കഥയും എ.യുപ്രവീണിന്റെ അതിശക്തമായ നാടകവും പുതിയ ഭാഷാപോഷിണിയില് ഉണ്ട്.
2009, ഫെബ്രുവരി 11, ബുധനാഴ്ച
മാവോയുടെ മുന്നറിയിപ്പുകള് (വിട്ടുവീഴ്ചാ മനോഭാവത്തിനെതിരെ )
''വിട്ടുവീഴ്ചാമനോഭാവം പ്രത്യയശാത്രസമരത്തെ നിരാകരിച്ച് തത്വദീക്ഷയില്ലാത്ത സമാധാനത്തിനുവേണ്ടി നിലകൊള്ളുന്നു. അതുവഴി ജീര്ണിച്ച ,ഭൌതിക താല്പര്യം മാത്രമുള്ള മനോഭാവത്തിനു ജന്മം നല്കുന്നു. അത് പാര്ട്ടിയിലെയും വിപ്ലവസംഘടനയിലെയും ചില വ്യക്തികളിലും ഘടകങ്ങളിലും ജീര്ണതക്ക് കാരണമാകുന്നു. "ഏഴ് നൂറ്റാണ്ട് മുന്പ് മാവോ നല്കിയ ഈ മുന്നറിയിപ്പ് പ്രകാശ് കാരാട്ട് കണക്കിലെടുക്കുമോയെന്നു ചോദിക്കുന്നു ഐ.വി.ബാബു സമകാലികമലയാളം വാരികയില് .ലാവ്ലിന് കേസില് സി.ബി.ഐ. പ്രതിപ്പട്ടികയില് ഉള്ള പിണറായി വിജയനെ സംരക്ഷിക്കാന് കാരാട്ട് കാണിക്കുന്ന അമിത താല്പര്യത്തെ വിമര്ശിക്കുകയും വിശകലനം ചെയ്യുകയാണ് ബാബു. വ്യക്തി താല്പര്യങ്ങള്ക്ക് മുന്തൂക്കം നല്കുന്ന കാരാട്ട് ,മാവോയുടെ ഈ മുന്നറിയിപ്പ് ചെവിക്കൊണ്ടില്ലെങ്കില് മഹത്തായ ഒരു പ്രസ്ഥാനത്തിന്റെ പതനത്തിനു സാക്ഷ്യം വഹിക്കേണ്ടിവരും. വാരികയുടെ മുഖപ്രസംഗവും ഇതേ വിഷയം തന്നെയാണ്. "പൊയ്മുഖം അഴിഞ്ഞു വീഴുന്നു"എന്നപേരില്. പിക്കാസോയുടെയും ദാലിയുടെയും ഉന്മാദം നിറഞ്ഞ (പ്രണയ)ജീവിതത്തെക്കുറിച്ച് എം.പി.രാധാകൃഷ്ണന് എഴുതുന്നു. ഓ.എന്.വി.കുറുപ്പിന്റെ മനോഹരമായ കവിത "അര്ദ്ധവിരാമങ്ങള്" ഈ ലക്കത്തില്ത്തന്നെ.
വിമോചനസമരത്തെ അനുകൂലിച്ചുകൊണ്ട് ഉമ്മന്ചാണ്ടി മാതൃഭൂമിയില്. കേരളത്തെ മോചിപ്പിച്ച സമരം എന്നപേരില് എഴുതിയിരിക്കുന്ന ഈ ഗീര്വാണങ്ങള് വായിക്കുന്ന കോണ്ഗ്രസ്സുകാര് പോലും അറിയാതെ ഉറക്കെത്തന്നെ ചിരിച്ചുപോകും. കേരളീയസമൂഹത്തെ ജാതീയ വര്ഗീയ ആലയില് തളച്ചിട്ട ഈ സമരത്തെ ഇപ്പോഴും അനുകൂലിക്കുകയും ലോകത്തുള്ള കമ്മ്യൂണിസ്റ്റ് ഭരണകൂടങ്ങളുടെ തകര്ച്ചകളുടെ നാന്ദിയായിരുന്നു ഈ സമരമെന്നൊക്കെ ആവേശം മൂത്ത് എഴുതാന് കൊള്ളാം. പക്ഷെ, അതുവായിച്ചിട്ട് എ.കെ.ആന്റണി പോലും തലകുലുക്കില്ല. പക്ഷെ ,പുതിയ ആഴ്ച്ചപ്പതിപ്പിനെ മനോഹരമാക്കുന്നത് മനോജ് ജാതവേദര്
എഴുതിയ "വറുതി"എന്ന കഥയാണ്. അധികാരം അശ്ലീലമാണെന്ന് ഈ കഥ ഉറക്കെപ്പറയുന്നു.അധികാരം വാടകക്കെടുക്കുന്ന തലച്ചോറുകള് (പ്രത്യേകിച്ചും പത്രപ്രവര്ത്തകര്,ബുദ്ധിജീവികള് ) പൊതുജനത്തെ വഞ്ചിച്ച് അധികാരത്തിന്റെ അമേധ്യം ഭുജിക്കുന്നു.
വര്ത്തമാനകാലത്തെ പ്രതിഫലിപ്പിക്കുന്ന കഥ. സുഭാഷ് ചന്ദ്രന് തന്റെ പുസ്തകമായി തെരഞ്ഞെടുത്തിരിക്കുന്നത് കരമസോവ് സഹോദരന്മാരെയാണ്. ആ പുസ്തകം തന്നെ ഒരു ബാധപോലെ പിന്തുടരുന്നുവെന്നു ലേഖകന്. ഇത്തവണ ബ്ലോഗനയില് ജോസഫ് ആന്റണിയാണ്.
മാധ്യമത്തില് ബഷീറിന്റെ ഭര് എന്ന കഥയെ പുനര്വായിക്കുന്നു ഇപി.രാജഗോപാലന്. ഭര് എന്ന അധോവായുവിന്റെ (കഥാനായികയില്നിന്നു)ശബ്ദം കാല്പനികതയെ അടിച്ചുടക്കുമ്പോള്തന്നെ കാലാന്തരത്തില് കാല്പനികതാ സൂചകം ആയിത്തീരുന്നു. ടി.വി.ചന്ദ്രന്റെ പുതിയ ചലച്ചിത്രമായ ഭൂമിമലയാളത്തിന്റെ ദൃശ്യാനുഭവം പങ്കുവക്കുന്നു വി.കെ.ജോസഫ്.
2009, ഫെബ്രുവരി 5, വ്യാഴാഴ്ച
വ്യക്തിയും പ്രസ്ഥാനവും :പ്രത്യയശാസ്ത്രത്തിന്റെ മലക്കം മറിച്ചിലുകള്.
ലാവ് ലിന് ഇടപാടില് സി. ബി. ഐ പ്രതിപ്പട്ടികയില് സ്ഥാനം പിടിച്ച പിണറായി വിജയനെസംരക്ഷിക്കാന് പാര്ട്ടി നടത്തുന്ന പ്രചാരണങ്ങള് അടിസ്ഥാന രഹിതമാണെന്നും തെളിവുകള്പിണറായിക്ക് എതിരാണെന്നും പി .വിശ്വനാഥന്തമ്പി സമകാലിക മലയാളം വാരികയില്. ബാലാനന്ദന് കമ്മിഷന് ശുപാര്ശകളുടെ പ്രസക്ത ഭാഗങ്ങളും സാമ്പത്തിക ഇടപാടുകളുടെവിവരങ്ങളും വിശദമായിത്തന്നെ ഈ റിപ്പോര്ട്ടില് ഉണ്ട്.കണ്ണികള് പൊട്ടാത്ത ഈ തെളിവുകള്ശേഖരിക്കാന് സി.ബി.ഐ.ക്ക് കഴിഞ്ഞു എന്ന് ജി.എസ് .എഴുതുന്നു. അന്വേഷണം വേഗത്തില്പൂര്ത്തിയാക്കാന് കഴിഞ്ഞത് സി.ബി.ഐ.യുടെ വിജയമാണ്. പക്ഷെ, ഈ വാദങ്ങളെപ്രതിരോധിക്കുകയും പാര്ട്ടിക്കെതിരെയുള്ള ഇത്തരം കുതന്ത്രങ്ങള് മുമ്പും ഉണ്ടായിട്ടുണ്ടെന്നുംപി.ജയരാജന് ദേശാഭിമാനി വാരികയില്. നാലാം ലോക വാദം, എ.ഡി.ബി.ലോണ് തുടങ്ങി ഈശ്രേണിയില് അവസാനത്തെ ആണ് ഇതെന്ന് ജയരാജന്. അങ്ങനെയൊന്നും തളരുന്ന പാര്ട്ടിയല്ലസി.പി.എം. സംഗതി ശരിതന്നെ. കഴിഞ്ഞ നിയമസഭ തെരഞ്ഞെടുപ്പില് അച്ചുതാനന്ദന്റെ പ്രഭാവംകൊണ്ടു പാര്ട്ടി വിജയിച്ചപ്പോള് വ്യക്തിയല്ല ,പ്രസ്ഥാനമാണ് വലുതെന്നു പറഞ്ഞവര് ഇപ്പോള്ആരോപണവിധേയനായ ഒരാളെ സംരക്ഷിക്കാന് പെടുന്ന പാടിനെയും ആ മലക്കം മറിചിലുകളെയുംഅശ്ലീലം എന്നല്ലേ വിളിക്കേണ്ടത്.....?
പാലക്കാട് ജില്ലയിലെ മുങ്കില്മടയില് നിലനില്ക്കുന്ന അയിത്ത ആചാരത്തെ കുറിച്ചു കെ .രാജന്. ഇത്തരം ഒരിടം കേരളത്തില് തന്നെയാണ് എന്ന തിരിച്ചറിവ് നമ്മെ ഞെട്ടിക്കും. (സമകാലികമലയാളം)
മൂന്നാര് ദൌത്യത്തിന്റെ പരാജയ കാരണവും അതിന് പിന്നിലെ ചരടുവലികളേയും കുറിച്ചു പി.കെ. പ്രകാശ് മാതൃഭുമിയില്. ദൌത്യം പരാജയപ്പെടുത്തിയത് മുഖ്യമന്ത്രിയാണെന്നും ടാറ്റാ എങ്ങനെയാണ്അദ്ദേഹത്തിന് പ്രിയപ്പെട്ടതായെന്നും പ്രകാശ് വിശദമാക്കുന്നു. വായനക്കാര്ക്ക് അങ്ങനെ ഒരുഇഷ്ടവിഭവം കൂടി ലഭിക്കുന്നു. വി.എസിനെ അടിക്കാന് കിട്ടുന്ന വടി വെറുതെ കളയേണ്ടല്ലോ. പുതിയസമാന്തര സിനിമ സംവിധായകരെ മമ്മൂട്ടിയും ലാലും അവഗണിക്കുന്നുയെന്നു
ഡോ.ബിജു. തികച്ചും ബാലിശവും ഉപരിപ്ലവവുമാണ് ഈ ലേഖനം. ഇതേ ഗണത്തില്പെടുത്താവുന്നമാതൃഭൂമിയുടെ പന്ത്രണ്ടു പേജുകള് പാഴാക്കുന്ന ലേഖനമാണ് കെ.പി.നിര്മല് കുമാറിന്റെ "ഒരുഇതിഹാസത്തിന്റെ ദീപശാഖകള്". ഖസാക്കിന്റെ ഇതിഹാസത്തിലെ സംഭവ കഥാപാത്രവിശദീകരണമാണ് ഈ വൃഥാ വ്യായാമം. വായനക്കാര് കഴുതകളല്ല എന്ന പ്രാഥമികമായ തിരിച്ചറിവുള്ളഒരാള് തീര്ച്ചയായും ഇങ്ങനെ എഴുതുകയില്ല.
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)